Xubnaha Ururka NUSOJ oo ka qeyb galay Shirka Dastuurka * Mareeg.com somalia, World News and Opinion.
Mareeg Media
Somalia

Xubnaha Ururka NUSOJ oo ka qeyb galay Shirka Dastuurka

Xubno matalaya Ururka Suxufiyiinta Qaranka Soomaaliyeed (NUSOJ) ayaa ka qeyb galay Shir-weynaha Qaran ee Dastuurka ee taariikhiga ah oo maalintii labaad ka socda Magaalada Muqdisho.

Shirkan oo ay ka qeyb galeen in kabadan 350 qof oo isaga kala yimid gobolada iyo dalka dibadiisa ayaa looga hadlayaa arimaha dastuurka Dalka Soomaaliya.

Xoghayaha Guud ee Ururka NUSOJ, Cumar Faaruuq Cismaan ayaa sheegay in uu aad ugu faraxsan yahay ka qeyb galka Shir weynaha Qaran ee Dastuurka.

Waxuu wax lagu farxo ku tilmaamay Shirkii ay soo agaasimeen Wasaarada Dastuurka ee Dalka, waxuuna xusay in muhiim ay tahay in dad kala duwan ay isugu yimaadaan halkaasi islamarkaana la dhageysto afkaartooda.

Xoghayaha Ururka NUSOJ ayaa waxuu amaan u jeediyay Wasaarada Dastuurka ee Dalka, waxuuna ku booriyay in ay sii laba jibaaraan dadaalka ay u hayaan Bulshada Soomaaliyeed.

Sikastaba, Xoghayaha Ururka NUSOJ ayaa muddooyinkii dambe waxuu kulamo ka waday Dalka Shiinaha, halkaasi uu uga qeyb galay Shirka Sanad laha ee Ururka IFJ.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!