Mareeg Media
Somalia

Xoghaye ka tirsanaa Dowladda oo xilkii u baneeyey Go’aan soo baxay

Xoghayihii joogtada ee Wasaaradda arrimaha Gudaha Federaalka iyo dib u heshiisiinta Xukuumadda Federaalka Soomaaliya (XFS) ayaa maanta xilkii Xoghayanimo wareejiyay, kadib markii golaha Wasiiradu ay baabi’iyeen booska Xoyghayaha joogtada ee Wasaaradaha Xukuumadda laguna qaatay nidaamka Agaasimayaasha guud.

Xoghayihii joogtada ee Wasaaradda arrimaha gudaha, mudane Cabdullaahi Maxamuud Xasan (Azhari) oo ka hadlay munaasabadda xil wareejinta ayaa u mahadceliyay Shaqaalaha Wasaaradda,isagoo sheegay in ay kaalin weyn kaga jiraan howlaha ay bulshada u heyso Wasaaradu.

Xoghayaha ayaa sidoo kale sheegay in uu ku faraxsanyahay in uu xilkaan wareejiyo,isagoo tilmaamay mudadii labada sanno eheed oo uu xilka hayay inuu wax badan soo qabtay, waline ay shaqa badan dhimantahay.

Munaasabadda xil wareejinta oo ka dhacday xarunta Wasaaradda arrimaha gudaha waxaa goobjoog ka ahaa shaqaalaha Wasaaradda, Mas’uuliyiin ka tirsan dowlada iyo Wasiir ku xigeenka Wasaaradda Mudane Isaaq Maxamed Maxamuud.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!