XOG: Xildhibaanada taageersan madaxweyne Xasan oo saxiixay mooshin ka dhan ah R/wasaare Cabdiweli * Mareeg.com somalia, World News and Opinion.
Mareeg Media
Somalia

XOG: Xildhibaanada taageersan madaxweyne Xasan oo saxiixay mooshin ka dhan ah R/wasaare Cabdiweli

Mareeg.com: Warar goor dhow soo baxay ayaa sheegaya in qaar ka mid ah xildhibaanada baarlamaanka Soomaaliya ay mooshin ka dhan ah R/wasaare Cabdiweli Sheekh Axmed u gudbiyeen gudoonka baarlamanka.

Si rasmi ah weli looma helin tirda xildhibaanada saxiixay mooshinkaas la doonayo in kalsoonida loogala noqdo xukuumadda R/wasaare Cabdiweli, hase ahaatee wararka qaara ayaa sheegaya iney tirada xidlhibaanadaas gaareyso ilaa boqol.

Markii uu si rasmi ah usoo shaac baxay khilaafka madaxweyne Xasan iyo R/wasaare Cabdweli ayaa xildhibaanada baarlamaanku la kala safteen labadan nin.

Madaxweynaha Soomaaliya, Xasan Sheekh oo maanta u ambabaxay Itoobiya ayaa waxaa madaxii sii sagootiyey ka mid ahaa R/wasaare Cabdi Weli oo ay si wanaagsan isu salaameen, inkasoo loo arkay mid aan niyadda jirin.

Wakiilka Xoghayaha Guud ee Qaramada Midoobay u qaabilsan danjire Nicholas Kay ayaa horay u sheegay inuu ka walaacsan yahay mooshin ka dhan ah R/wasaare Cabdiweli oo la diyaarinayo, isagoo xusay in xildhibaanada qaar codkooda lacaga loo badelanayo si ay u ridaan R/wasaraha.

Khilaafka madaxweynaha iyo R/wasaaraha ayaa si cad u qarxay kadib markii R/wasaare Cabdi Weli uu sameeyey isku shaandheyn Golaha Wasiirada ah, taasoo uu si cad u diiday madaxweyne Xasan.

Mareeg Media

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!