Xog: Muungaab oo kursiga laga tuurayo & xilalka uu hayey oo la kala qaadayo * Mareeg.com somalia, World News and Opinion.
Mareeg Media
Somalia

Xog: Muungaab oo kursiga laga tuurayo & xilalka uu hayey oo la kala qaadayo

Mareeg.com: Sida ay Mareeg Media ay u sheegeen ilo xog-ogaal ah oo ku dhow dowladda Soomaaliya, waxaa la filayaa in xilka laga qaado gudoomiyaha gobolka Banaadir, ahna duqa Muqdisho, Xasan Maxamed Xuseen (Muungaab), kaasoo kurisigaas fariistay dhamaadkii bishii Febaraayo ee sanadkan 2014.

Ilo Muhiim ah ayaa sheegaya in madaxweyne Xasan qorsheynayo inuu booska ka wareejiyo Muungaab, islamarkaana xilka gudoomiyaha gobolka Banaadir iyo Duqa magaalada loo kala dhiibo labo mas’uul.

Sababta Muungaab looga qaadayo xilka ayaa loo badinayaa iney tahay hanqaltaag la sheegay inuu ku jiro oo ah inuu doonayo inuu u tartamo xilka madaxweynaha marka laga gaaro sanadka 2016 oo la filayo iney dhacdo doorsho madaxweyne.

Waxaa la hadal hayaa in xilka gudoomiyaha gobolka Banaadir loo magacaabi doono ninkii sida kediska ah Golaha Wasiiradu xilka uga qaadeen C/llaahi Maxamed Cali Sanbaloolshe oo ahaa Agaasimihii Hay’adda Nabad Sugidda, halka duqa magaalada loo saadaalinayo qof kazoo jeeda beesha uu ka dhashay Muungaab.

Jen. Muungaab ayaa intii uu hayey xilka gobolka Banaadir ku guuleystay inuu dhamaan meesha ka saaro gudoomiyaashii degmooyinka gobolka Banaadir oo markii hore qaab maleeshiyo ku yimid xilalka ay hayeen, wuxuuna intooda badan ku badelay dhallinyaro wax bartay oo ku beel ah, inkastoo degmooyinka Waabari, Xamara-weyne iyo Shangaani laga qaaday beelihii horay gudoomiyaha uga noqon jiray.

Gudoomiyaha ahan duqa magaalada Muqdisho, Xasan Muungaab oo dhawaanahan safari ku kala bixinayey qeybo ka mid ah dunida ayaa farta lagu fiiqayey, waxaana loo arkayey inuusan u shaqeyneyn sida markii uu hayey xilka gudoomiyaha maxkamadda ciidamada qalabka sida.

Dadka qaar ayaa rumeysan in Muungaab ku mashquulay sidii uu ugu diyaar garoobi lahaa doorashada madaxweynaha ee sanadlka 2016 la qorsheeyey, inkastoo ay adagtahay in xilligaas doorasho dhacdo, loona badinayo in dowladda hadda jirta ay isku dayi doonto iney waqtiga dheereysato iyadoo sameyneysa marmarsiiyooyin.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!