Kulankii 26aad ee Kalfadhiga 6aad ee Golaha Aqalka Sare- Baarlamaanka Federaalka Soomaaliya.Ajendaha Kulanka ; Akhrinta 1aad Hindise Sharciyeedka Doorashooyink Qaranka Heer Federaal.
Kulanka waxaa shir guddomiyay Guddomiyaha Golaha Aqalka Sare ee Baarlamaanka Federaalka Soomaaliya Senatar Cabdi Xaashi Cabdullahi .Guddomiye Ku-xigeenka 1aad ee Aqalka Sare Senatar Abshir Maxamed Axmed ayaa kulanka joogay.
Guddiga KMG ee Diyaarinta Sharciga Dooorashooyinka Qaranka ee Golaha Shacabka ayaa Golaha Aqalka Sare ka hor-akhriyay Akhrinta 1aad Hindise Sharciyeedka Doorashooyink Qaranka Heer Federaal.
Inta kadib Guddomiyaha Golaha Aqalka Sare ee BFS ayaa sheegay in Hindise-sharciyeedkan si rasmi ah loogu wareejin doono Guddiga Ku-Meel Gaar Ka ah ee Ka- Baraandegidda Hindise-Sharciyeedka Doorashooyinka Qaranka ee Golaha Aqalka Sare.
