Xildhibaan ku cusub baarlamanka oo ka badbaaday iskuday dil

Mareeg.com: Xildhibaan ka tirsan Barlamaanka Soomaaliya ayaa maanta dhaawac kasoo gaaray weerar lagu qaaday, xilli uu ku sugnaa xaafadda Taleex ee Degmada Hodan ee Gobolka Banaadir. sidaas waxaa xaqiijiyeyXildhibaan Khaliif maxamed Xaaji.

Xildhibaanka la weeraray ayaa magaciisa lagu sheegay sheegay C/llaahi Xasan Rooble, waxaana uu ka mid ahaa xildhibaano 5 ah oo maalmo ka hor lagu dhaariyay Xarunta Baarlamaanka Soomaaliya.

Wararka ayaa sheegaya in rag ku labisan dharka ciidamada dowladda oo gaari yar watay ay weerarka ku qaadeen Xildhibaankaan, oo dhaawac soo gaaray.

Dadka ku dhawaa goobta weerarku dhacay ayaa warbaahinta u sheegay in xildhibaanku ka badbaaday isku daygaas dil, hase ahaatee uu dhaawacmay.

Gudoonka baarlamaanka Soomaaliya ayaan weli ka hadlin weerarka lagu qaaday xildhibaanka ku cusub baarlamaanka>

Xaafadda lagu dhaawacay xildhibaankan ayaa ah xaafaddii bishii Ramadaan lagu dilay xildhibaan Saado Cali Warsame.

Mareeg Media

About A warsame 9751 Articles
Published by A Warsame .He can be reached by news@mareeg.com or Mobile :+447737886245