Xildhibaan Cabdirisaaq oo eedeyn u jeediyay Ciidanka NISA  — Mareeg.com somalia, World News and Opinion.
Mareeg Media
Somalia

Xildhibaan Cabdirisaaq oo eedeyn u jeediyay Ciidanka NISA 

Wasiirkii hore ee Amniga ee Xukuumadda Federaalka Soomaaliya, ahna Xildhibaan ka tirsan Golaha Shacabka Soomaaliyeed, Cabdirisaaq Maxamed ayaa waxuu eedeyn u jeediyay Ciidanka Nabad Sugida Soomaaliya.

Mudane Cabdirisaaq ayaa waxuu ku eedeeyay Ciidanka Nabad Sugida in ay ku lug leeyihiin dilalka ka dhaca Magaalada Muqdisho.

Xildhibaanka ayaa xusay in Ciidanka Nabad Sugida ay u muuqdaan kuwa ka talaabay Sharciga.

Isagoo hadalkiisa sii wata ayaa Xildhibaan Cabdirisaaq waxuu shaaciyay in Ciidanka Nabad Sugida markan ay bilaabeen in ay caburiyaan Shacabka.

Xildhibaanka ayaa ugu baaqay Hay’adda Nabad Sugida iyo Sirdoonka Qaranka Soomaaliyeed in ay baaritaan ku sameyso tacadiga ay geystaan Ciidanka Nabad Sugida.

Waxaa sidoo kale uu baaq u diray Hay’addaha u ololeeya Xuquuqul Insaanka in ay baaritaan ku sameeyaan falalka ka dhanka aadanaha ee ka dhaca Caasimada Soomaaliya.

Hadalka Xildhibaanka ayaa waxuu imaanayaa iyadoo Afhayeenka Maamulka Galmudug uu sheegay in tacadi uu kala kulmay Ciidanka Nabad Sugida kadib markii ay ka qaadeen sawiro isagoo dhar la’aan ah, sida uu u sheegay Warbaahinta Muqdisho.

Get real time updates directly on you device, subscribe now.

Find a Job.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!