Mareeg Media
Somalia

Xiisad dagaal oo ka taagan Gobolka Sanaag

Waxaa xiisad dagaal saakay laga dareemayaa deegaano ka tirsan gobolka Sanaag taas oo u dhaxeeysa Ciidamo kala taabacsan Maamulada Puntland iyo Soomaaliland, iyada oo badi dadka ku nool Gobolkaasi ay cabsi soo wajahday.

Xiisada ayaa waxaa ay sigaar ah uga taagan tahay Magalada Badhan iyo deegaanada hoostaga iyo sidoo kale deegaanada,Damalla-xarage iyo deegaano kale,halkaas oo ay ku kala sugan yihiin Ciidamada Soomaliland iyo kuwa Puntland.

Magalada Badhan waxaa ku sugan wafdi uu horkacayo Wasiirka amniga Puntland Cabdi Samad Maxamed Gallan, isaga oo halkaasi shirar kula leh waxgaradka Magalada iyo Saraakiisha Ciidamada.

Labada Maamul ee Puntland iyo Soomaaliland ayaa midba midka kale waxa uu doonayaa in uu maamulo Gobolka Sool,hayeeshee taasi ay keentay gacan ka hadal ka dhashay iyo xiisad cusub oo ka dhex bilaabatay labada dhinac.

Dhawaan waxaa Ciidamada Soomaaliland ka goostay Saraakiil iyo Ciidamo la socda,kuwaas oo u wareegay dhinaca Puntland,waxaana Soomaaliland dhinaceeda ay wadaa abaabul ay ku dooneyso inay la wareegto deegaanada Gobolka Sanaag.

Xiisada u dhaxeysa Soomaaliland iyo Puntland ayaa ah mid waa hore soo bilaabatay,waxaana xusid mudan in dhowr jeer ay ku wada dagaalameen deegaano iyo degmooyin ka tirsan Gobolka Sool.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!