XASAASI:- Isbaheysiga mucaaradka Ee Horusocod Oo doortay Hoggaan Cusub

Read Time:1 Minute, 3 Second

muqdisho ( mareeg news ) Sida ay sheegayaan wararka midowga Horusocod oo ah Isbaheysi mucaaradsan Xukuumadda Ra’iisul Wasaare Kheyre ayaa maalmihii la soo dhaafay shirar kala duwan ku lahaa magaalada Muqdisho, iyadoo kaga hadlayay sidii hoggaan cusub u dooran lahaayeen.

Guddoomiyaha midowga Horusocod ayaa waxaa loo doortay Xildhibaan C/llaahi Maxamed Nuur, halka Guddoomiye kuxigeen loo doortay Senator C/llaahi Sheekh Ismaaciil Fartaag, waxaana Xoghaye loo doortay Xildhibaan Cali Cabdi Cusmaan (Caliyow).



Wararka ayaa sheegaya in Guddoomiyihii midowga Horusocod C/rashiid Xidig iyo xubnaha  Kudlada Horusocod ay ku kala tageen arrimo kala duwan oo ay ka mid aheyd Mooshinkii Jawaari.

Horaantii bishii April ayay aheyd markii C/rashiid Xidig iyo Ra’iisul Wasaare Kheyre ay ku kulmeen dalka isu tagga Imaaraadka Carabta, taasna ay keentay kala shakiga xubnaha midowga Horusocod oo soo dedejisay in Hoggaan cusub ay doortaan.



Horusocod ayaa ah isbaheysiga ugu weyn ee mucaaradka Xukuumadda iyo Madaxtooyada ee xilligan ka mid ah Baarlamaanka Federaalka Soomaaliya, waxaana ka dhex muuqday Xildhibaano caan ah oo dowladdii hore saameyn ku lahaa.



Lama oga hoggaankan cusub isbaheysiga Horusocod waxaa uu ku soo kordhin doono mucaaradadii horay u jirtay ee Xukuumadda iyo Madaxtooyada kala kulmayeen Xildhibaanada aan siyaasad ahaan taageersaneyn labada xafiis.

About Post Author

Ahmed weheliye Gaashaan

freelance journalist covering events in Somalia, SocialActivist, writer, PoliticalAnalyst .contact gaashaan1960@gmail.com
Happy
Happy
0 0 %
Sad
Sad
0 0 %
Excited
Excited
0 0 %
Sleepy
Sleepy
0 0 %
Angry
Angry
0 0 %
Surprise
Surprise
0 0 %