Xarunta Wasaarada Gaadiidka ee Gobolka Sh/Dhexe oo  * Mareeg.com somalia, World News and Opinion.
Mareeg Media
Somalia

Xarunta Wasaarada Gaadiidka ee Gobolka Sh/Dhexe oo 

Xaflad si heer sare ah loo soo agaasimay,  isla markaana xariga looga jaray wasaaradda Gaadiidka iyo duulista Hawada   ayaa maanta ka dhacday magaalada jowhar ee xarunta u ah Gobolka shabeelaha dhexe .

Furitaankii munaasibaddan oo ay si wadajir ah uga soo qeyb galeen Mas’uuliyiin ka kala socotay  Qeybaha kala gedisan ee Bulshada ku dhaqan Gobolka shabeelaha dhexe,  gaar ahaan Magaalada Jowhar , Mas uuliyiin kala gedisan oo heer Gobol oo ay ka mid ahaayeen Gudoomiye ku xigeenka  Arimaha Bulshada Gobolka Muxumed Sugaal, Xoghayaha Guud  ee Gobolka shabeelaha dhexe, Gudoomiyaha Maamulka Degmada Jowhar  Maxamad Cali Muudeey(Kalaay)  ugu horeyn Waxaa Munaasibadaasi ka Hadlay  Iskuduwaha Wasaaradda Gaadiidka iyo duulista Hawada ee Gobolka Shabeelaha dhexe  Xasan Cali Caadle(Xaraare)  oo sheegay in wasaaradda ay tahay muddo 24 sano ah ka dib wasaaradii  ugu horeysay ee  si rasmi ah  xarun uga furato Gobolka shabeelaha dhexe  isla markaana uu u baahan yahay in  haddii aan lala shaqeyn uusan kaligii waxba qaban Karin isla markaana ay muhiim tahay in Gaadiidka oo la diiwaan geliyaa ay qeyb ka tahay sugidda amniga guud ee Gobolka  si ay meesha uga Baxdo gaadiidka loo adeegsado  falalka ka dhanka ah amniga guud , waxaa isna munaasinbadaa ka hadlay  Gudoomiyaha iskaashada Gaadiidka Gobolka shabeelaha dhexe gudoomiyaha Iskaashatada Gaadiidka ayaa Ballan qaaday in ka gudi ahaan ay u hogaansami doonaan  awaamiirta ka soo baxda wasaaradda Gaadiidka   wuxuuna gaadiidleyda ugu baaqay in wasaaradda  ay si buuxda ula shaqeeyaan , sidaasi si la mid ah  Waxaa xafladdaa furitaanka ka hadlay Mid ka mid ah odeyaasha dhaqanka Gobolka oo amaanay wasaaradda Gaadiidka tallaabada geesinimada leh ee ay qaaday oo ah mid ku dayasho mudan isla markaana ay tahay Dowladnimada dhabta ah sida ay ku jirto in wasaarad kastaa  ay is ballaariso   Isloow  Dhaqane Indhogiir  ayaa maamulka Gobolka ugu baaqay in wasaaradda Gaadiidka iyo duulista hawada ay ku garab istaagaan  

Taliyaha Ciidamada Nabad Gelyada Wadooyinka ee Gobolka Shabeelaha Dhexe  Gaashaanle C/laahi Cali (Madaxeey) oo isna goobta ka Hadley ayaa sheegay in  ay la shaqeyn doonaan Wasaarada Gaadiidka, sidoo kalena ay wax weyn ka qaban doonaan howlaha amaanka wadooyinka.

Wasaaradan ayaa noqoneysa tii ugu horeysay oo mudo 24 sano kadib laga furo  gobolka Shabeelaha dhexe, tan iyo wixii ka dambeeyay burburkii dowladii dhexe ee Soomaaliya.

 

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!