Xaaladda Caafimaad ee Madaxweyne C/Kariim Xuseen Guuleed oo lagu

Wasiirka Wasaaradda Warfaafinta, Dhaqanka & Dalxiiska ee Dowlad Goboleedka Soomaaliyeed ee Galmudug Maxamuud Aadan Cusmaan ayaa cadeeyay in xaaladda caafimaad ee Madaxweynaha Dowlad Goboleedka Galmudug C/kariin Xuseen Guuled ay aad u wanaagsan tahay ka dib qalliin lagu guuleystay oo looga sameeyay dhinaca wadnaha.

Wasiirku waxa uu xaqiijiyay in madaxweynuhu uu xalay casho sharaf u sameeyay dhakhtarkiisa Ramakanta Panda oo ka mida 25-ka dhakhtar ee ugu muhimsan dalka India kaasoo horay ugu soo guuleystay qalliimo dhowr ah oo uu ku jiro Ra’isal Wasaaraha iminka talada ka haya wadanka India Narendra Modi & Madaxweyne C/kariin H. Guuled.

“Qalliinka waxa uu u dhacay sidii aan u qorsheynay, wax dhib ahna lagalama kulmin ayuu yiri, Dr. Ramakanta Panda oo u mahad celiyay madaxweynaha.

Madaxweyne C/kariin Xuseen Guuleed ayaa howlo caafimaad ugu safray dalkaasi India saddex usbuuc ka hor, waxaana la rajeynayaa inuu sida ugu dhaqsiyaha badan dalka ugu soo laabto si uu u sii ambaqaado howlahii maamulka Galmudug.

DHAMAAD

Wixii Faah-faahin ah Fadlan kala xiriir:
Md. Maxamuud Aadan Cusmaan
Wasiirka Warfaafinta Hanuuninta Dhaqanka & Dalxiiska
Dowlad Goboleedka GalMudug ee Soomaaliya
E-mail:mesagaway2@gmail.com

About A warsame 9751 Articles
Published by A Warsame .He can be reached by news@mareeg.com or Mobile :+447737886245