Wasiirka Gaashaandhigga oo kulan la qaatay Taliyeyaasha Ciidamada Dowladda * Mareeg.com somalia, World News and Opinion.
Mareeg Media
Somalia

Wasiirka Gaashaandhigga oo kulan la qaatay Taliyeyaasha Ciidamada Dowladda

Wasiirka Wasaaradda Gaashaandhigga Xukuumadda Federaalka Soomaaliya Xasan Xuseen Xaaji ayaa Maanta kulan la qaatay Taliyaha Ciidanka Xoogga dalka Jeneraal Odawaa Yuusuf Raage.

Kulanka u dhexeeyay Wasiirka Gaashaandhigga iyo Taliye Odawaa ayaa waxaa looga hadlay howlgaladii ugu dambeeyay ee Ciidanka dowladda ka wadaan Gobolada dalka, kuwaasi oo ka dhan ah Al-shabaab.

Taliye Odawaa Yuusuf Raage ayaa Wasiir Xasan Xuseen Xaaji Warbixin ka siiyay Howlgalada Ciidamada Xoogga dalka, wuxuuna Wasiirka Taliyeyaasha Ciidamada faray inay dardar-geliyaan howlgalada ka dhan ah Al-shabaab.

Kulanka Wasiirka Wasaaradda Gaashaandhigga Xukuumadda Federaalka iyo Taliye Odawaa ayaa waxaa goobjoog ka ahaa Taliye ku-xigeenka Ciidanka Xoogga Jeneraal Cabaas Amiin  iyo Taliyaha Ciidanka Dhulka Xoogga dalka Jeneraal Maxamed Biixi iyo saraakiil kale.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More