Wasiirka Difaaca Soomaaliya Oo Kormeeray Dhismaha Xarrun Lagu Tabarayo Saraakiisha * Mareeg.com somalia, World News and Opinion.
Mareeg Media
Somalia

Wasiirka Difaaca Soomaaliya Oo Kormeeray Dhismaha Xarrun Lagu Tabarayo Saraakiisha

Muqdisho, Mareeg.com: Wasiirka Difaaca Soomaaliya C/Xakiim Maxamuud Xaaji Faqi oo ay wehliyeen Agaasimaha Guud ee Wasaaradda Difaaca Cabdulle Maxamuud iyo Saraakiil ka tirsan Masuuliyiinta ku howlan hirgelinta mashruucaan dib loogu dhisayo Xeradan casriga ah ee lagu tababarayo Saraakiisha Ciidamada XDS ayaa waxa ay ugu horreyn soo kormeereen Dhismaha ka socda Xeradii hore ee Agoonta Ciidamada Xoogga dalka oo haatan ay ka socdaan howlo looga dhigayo Xarun casri ah oo ay wasaaradda gaashaandhigga Soomaaliya ku tababarto saraakiisha Ciidamada XDS.

C/Xakiim Faqi Wasiirka Gaashaandhigga Soomaaliya oo ka hadlay ujeeddada kormeerkiisa ayaa xusay in Dhismaha xeradan casriga ah lagu tababari doono Saraakiisha Ciidamada XDS taasoo mashruuca lagu hirgelinayo ay maalgelintiisa Wasaaradda Difaaca Soomaaliya kala kaashanayso Dowlado saaxiibo dhaw la ah Dowladda Federaalka Soomaaliya.

Wasiirka ayaa intaas ku daray in Xaruntaan cusub ay wax badan kusoo kordhin doonto tayada iyo Dib u dhiska Ciidamada Xoogga dalka islamarkaana ay soo saari doonto Saraakiil tababar xirfadeysan ku qaatay gudaha dalkooda.

Dhanka kale Wasiirka Gaashaandhigga Soomaaliya ayaa soo dhaweeyay Go’aankii dhawaan kasoo baxay Golaha Amniga Q/M ee ku aadanaa in la kordhiyo Ciidamada AMISOM lana tayeeyo Ciidamada Xoogga dalka Soomaaliyeed, isagoo farta ku fiiqay in dhanka kale ay Wasaaraddu soo dhaweynayso Tallaabadii ay Dowladda Itoobiya ku sheegtay in Ciidamadeeda ka jooga Somalia ku biirinayso Howlgalka nabad ilaalinta ah Midowga Afrika ee AMISOM.

Ugu dambeyntii Wasiirka Difaaca ayaa ka codsaday Dowladaha afrika inay soo dedejiyaan Ciidamada ay usoo dirayaan Soomaaliya kuwaasoo lagu kordhinayo Ciidamada AMISOM si loo soo afjaro jiritaanka Kooxda Argagixisada ah ee Alshabab maadaama haatan ay marayaan heerkoodii ugu dambeeyay lagana xureyn doono guud ahaan Wadanka.

—DHAMMAAD—

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!