Wasiirka Boostada Soomaaliya oo booqday xafiiska IGAD ee Jabuuti * Mareeg.com somalia, World News and Opinion.
Mareeg Media
Somalia

Wasiirka Boostada Soomaaliya oo booqday xafiiska IGAD ee Jabuuti

Wasiirka Boostada Soomaaliya oo booqday xafiiska IGAD ee Jabuuti

 

Posted on June 6, 2016 by Mustaf Mohamed inWARARKA // 0 Comments

 

 

 

Wasiirka Boostada iyo Isgaarsiinta Soomaaliya Mudane Maxamed Jamac Mursal (Geelle) oo safar shaqo ku jooga dalka Jabuuti, ayaa maanta galinkii hore ku booqdey Xafiiskiisa, Xoghayaha Guud ee urur Goboleedka IGAD Amb. Maxbuub Macalin Maxamed oo si diiran u soo dhaweeyey wasiirka iyo wafdigiisa.

 

Wasiir Geelle oo uu weheliyo agaasimaha Guud ee wasaaradda Boostada iyo Isgaarsiinta mudane Axmed Xaaji Cabdi,ayaa soo dhaweyn ka dib waxuu Amb. Maxbuub uga mahadceliyay wasiirku inuu soo booqda Xafiiska IGAD isagoo wasiir ah.

 

” Waxaan ku faraxsanahay xilka cusub ee Geelle loo magacaabay isagoo urur goboleedka IGAD kala soo shaqeeyey la talinta dhanka Siyaasadda iyo sameynta maamul goboleedyada Soomaaliya. Dawladda Soomaaliya way ku mahadsan tahay in garwaaqsatay dadka xirfadda leh iyo kartida iney u magacawdo Xilal wasiirnimo.” Ayuu yiri Amb. Maxbuub oo Xafiiskiisa kula hadlay saxaafadda.

 

Wasiirka ayaa isna dhankiisa u mahadceliyay urur goboleedka IGAD kaalinta ay ka qaadanayaan dib u dhiska Soomaaliya waxuuna wasiirku codsadey in IGAD ay wasaaradda ka caawiso hormarinta adeegga Isgaarsiinta casriga ee dalka Soomaaliya.

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!