Wasiirada Arrimaha Debada IGAD oo caawa ku wada sugan Muqdisho * Mareeg.com somalia, World News and Opinion.
Mareeg Media
Somalia

Wasiirada Arrimaha Debada IGAD oo caawa ku wada sugan Muqdisho

Maree.com: Wasiirrada arrimaha dibadda ee dalalka IGAD ayaa caawa ku wada sugan caasimadda Soomaaliya ee Muqdisho.

Wasiirrada arrimaha dibadda ee dalalka Kenya, Koonfur Sudan, Uganda Sudaa iyo Itoobiya ayaa galinkii dame ee maanta gaaray magaalada Muqdisho ee xarunta dalka Soomaaliya.

Wasiirrada ayaa ka qaybgalaya shirka wasiirrada arrimaha dibadda ee dalka IGAD oo lagu wado inuu Muqdisho ka furmo Sabtida barri ah.

Wafdiga ayaa waxaa Muqdisho kusoo dhaweeyay sii-hayaha wasiirka arrimaha dibadda ee Soomaaliya, Cabdiraxmaan Ducaale Beyle.

Wasiirrada arrimaha dibadda ee Soomaaliya iyo Itoobiya oo wadajir ula hadlay warbaahinta ayaa sheegay in shirka oo lagu qabto Muqdisho ay fursad u tahay Soomaaliya iyo guud ahaanba IGAD.

Wasiirrada ayaa tilmaamay inay ku faraxsan yihiin in sannadkan 201-ka Muqdisho loo doortay halka lagu qabanayo shirka wasiirrada arrimaha dibadda ee dalalka IGAD.

Muqdisho ayaa waxaa horay igu sugnaa wasiirka arrimaha dibadda ee dalka Jabuuti, Maxamed Cali Yuusuf oo isagna ka qaybgalaya shirka.

Waa markii ugu horraysay ee wasiirrada arrimaha dibadda ee dalaka IGAD ay ku shiraan Muqdisho, intii ka dambeysay sannadkii 1985-kii.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!