Wasiir Goodax oo gaaray Baydhabo * Mareeg.com somalia, World News and Opinion.
Mareeg Media
Somalia

Wasiir Goodax oo gaaray Baydhabo

Wasiirka waxbarashada hiddaha iyo tacliinta sare ee xukuumadda federaalka Soomaaliya Mudane Cabdulahi Goodax Barre ayaa maanta gaaray magaalada Baydhabo ee xarunta gobolka Bay halkaasoo uga qeyb galayo shirka wadatashiga ee wasaaraddaha waxbarashada Soomaaliya iyo kuwa maamul goboleedyada.

Shirkan ayaa diirada lagu saaraya horumarinta waxbarashada dalka iyo sidii ardayda Soomaaliyeed u heli lahaayen waxbarasho dhameystiran.

“Maanta waxaan soo gaaray magaalada Baydhabo ee xarunta gobolka Bay oo aan uga qeyb gali doono shirka wadatashiga ee u dhexeeya wasaaradda waxbarashadda hiddaha iyo tacliinta sare ee xukuumadda federaalka Soomaaliya iyo wasaaradaha waxbarashada maamul goboleedyada dalka, shirkan ayaa diirada ku saari doonaa horumarinta waxbarashada iyo sidii ardayda Soomaaliyeed u heli lahaayen waxbarasho dhameystiran.”ayuu yiri wasiirka waxbarashada mudane Cabdulahi Goodax Barre.

“Waxaan si gaar ah ugu mahad celinaa madaxweynaha maamulka koonfur-galbeed iyo soo dhaweyntii iyo marti galintii shirka wasaaradda waxbarashada Soomaaliya iyo kuwa wasaaraddaha maamul gobaleedyada dalka”ayuu intaasi ku daray Mudane Goodax.

Shirkan ka furmay magaalada Baydhabo ayaa socon doona muddo afar maalmood ah kaasoo lagu gorfeyn doono arrimaha waxbarashada dalka.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More