Warsaxaafadeed : Wariyaasha Telefiishinka Universal hala sii daayo * Mareeg.com somalia, World News and Opinion.
Mareeg Media
Somalia

Warsaxaafadeed : Wariyaasha Telefiishinka Universal hala sii daayo

WARSAXAAFADRef: 10/GXS/2015 Tr. 04 /10 / 2015

Ujeeddo: War-Saxaafadeed

Shir ay isugu yimaadeen Golaha Xisbiyada Soomaaliyeed oo ay uga hadlayeen xaaladaha taagan ee uu wadanku marayo, falaqeyn dheer kadid, waxay soo saareen war-saxaafadeedkan.

1) Waxaan si adag u cambaareynaynaa xargiga loo geystay Cabdullaahi Xirsi Kulmiye Agaasimaha Bariga Africa ee TV-ga Caalamiga ah ee Universal iyo Wariye Cawil Daahir Salaad, isla markaasna ah soo saaraha Barnaamijka dood-wadaag, xarigaasoo xad-gudub ku ah Qawaaniinta iyo Dastuurka Dalka u yaala, isla markaasna caqabad ku noqoneysa geedi-socodka Dimuqraadiyada iyo Madax-banaanida hadalka iyo aragtida, kuna celinaysa wadanka kali-taliye-nimo.

Haddaba, Golaha Xisbiyada Soomaaliyeed waxay ku baaqayaan in si deg-deg ah loo sii daayo shuruud la’aan lana fasaxo Xafiiska TV-ga Universal iyo addeegyadii uu Bulshada u hayay.

2) Golaha Xisbiyada Soomaaliyeed waxay ka soo horjeedaan mar kasta in la daadiyo dhiigga Dadka Soomaaliyeed.

Sidaasi darteed, waxaan cambaareynaynaa Dilkii AMISOM u geysatay Wiilkii yaraa ee Soomaaliyeed oo ka dhacay Garoonka Kubadda Cagta Muqdisho Stadium iyo Dilalkii ka horeeyay oo ka dhacay meelo badan oo ka mid ah Dalka sida: – Marka, iyo Halgan.

3) Golaha Xisbiyada Soomaaliyeed waxay soo dhoweynayaan Guddigii Heerka Qaranka ee Wasaaradda Amnigu u saartay baaritaanka dhacdadii u dambeysay, waxaana codsanaynaa in mar kasta Dowladda ay u dhaxeyso Dadka Soomaaliyeed iyo Ciidamada Shisheeye ee Dalka ku sugan.

4) Waxaan halkaan Amaan iyo Bogaadinba u soo jedinaynaa Xisbiga DALJIR oo ka tirsan Golaha Xisbiyada Soomaaliyeed oo door-weyn ka qaatay garab istaaga Qoyska dhibanayaasha ee Wiilkooda AMISOM ku dileen si gar-darro ah.

5) Waxaan Dowladda Dhexe ugu baaqeynaa in ay ka qaadaan culeyska weyn ee ay ku hayaan Gaadiidka Dadweynaha, gaar ahaan Mooto Bajaaj-yada iyo in ay fur-furaan wadooyinka xir-xiran oo caqabada ku ah isku-socodka Magaalada Muqdishol, dib-u-dhacna ku ah Ganacsiga iyo Kobaca Dhaqaalaha.

Dhammaad.

Golaha Xisbiyada Soomaaliyeed

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!