Wariye Timacade Oo Xalay U Geeriyooday Dhaawac Dabley Gaarsiisay * Mareeg.com somalia, World News and Opinion.
Mareeg Media
Somalia

Wariye Timacade Oo Xalay U Geeriyooday Dhaawac Dabley Gaarsiisay

Muqdisho: Waxaa dhaawac talaadadii lasoo dhaafay Muqdisho koox hubeysan ugu geysteen u geeriyooday Wariye Maxamed Maxamuud Tima-cadde oo ka mid ahaa wariyeyaasha Telefishinka Universal uga warrama Muqdisho.

Marxuumka ayaa xalay Isbitaalka Madiina oo lagu daweynayey ugu geeriyooday dhaawac ay gaarsiiyeen dabley bastooladu ku hubeysan oo ku weeraray meel ku dhow gurogiisa degmada Wadajir ee magaalada Muqdisho.

Allaha u naxariistee, marxuumka ayaa xaaladdiisu ahayd maalmihii aynu soo dhaafnay mid wanaagsan, balse xalay ayaa naqasku ku xirmay, taasoo keentay inuu isla markiiba geeriyoodo.

Marxuumka ayaa la qorsheynayey in loo qaado dalka Uganda, hase ahaatee waqtigiisa ayaa dhamaada kahor in aan la gaarin waqtiga la qorsheeyey in la qaado oo aheyd Isniin ama talaado.

Waa weriyihii 5-aad ee sanadkaan lagu dilo dalka Soomaaliya, iyadoo Soomaaliya noqotay meelaha ugu khatarta badan ee weriyaashu caalamka ka howlgalaan.

Mareeg.com

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!