Wariyaasha deeganada Puntland oo Gaas kala hadlay xeerka saxaafadda

Read Time:50 Second

Mareeg.com: Madaxweynaha maamulka Puntland iyo ururka suxufiyiinta maamulkaas  ayaa maanta ka wada hadlay xeerka saxaafadda Puntland oo la ansixiyey dhowaan.

Guddoomiye kuxigeenka ururka suxufiyiinta Puntland, Maxamed Daahir Yuusuf oo kulanka kaddib shir jaraa’id ku qabtay Garoowe ayaa sheegay in ay madaxweyne Cabdiwali Maxamed Cali Gaas hor dhigeen qodobbo ay doonayaan in lagu sameeyo dib u eegis.

Guddoomiye ku xigeenka ayaa tilmaamay in madaxweynuhu soo dhaweeyey cabashada saxafiyiinta ee ku aadan qaar ka mid ah qodobada xeerka saxaafadda.

Maxamed Daahir ayaa intaas ku daray in madaxweyne Gaas uu sheegay in maamulku ilaalinayo xuquuqda suxufiga iyo saxaafadda Puntland, uuna dhigayo qaanuunku in la helo war baahin madax bannaan.

Guddoomiye ku xigeenka ayaa waxaa kaloo uu sheegay in madaxweyne Cabiwali Gaas uu u soo jeediyey suxufiyiinta Puntland in ay ilaaliyaan anshaxa iyo qawaaniinta saxaafadda.

Baarlammaanka maamulka Puntland ayaa dhawaan ansixiyey xeerka lagu dhaqayo saxaafadda Puntland, waxaana xeerkaas ka qeylo dhaamiyey weriyaasha ka howgalka Puntland oo sheegay inuu cadaadis adag saarayo warbaahinta xorta ah.

Mareeg Media

 

 

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Instagram did not return a 200.