Mareeg Media
Somalia

Wararkii ugu dambeeyay Qaraxyo ka dhacay Magaalada Muqdisho

5

Warar dheeraad ah ayaa ka soo baxaya Qaraxyo siyaabo kala duwan uga dhacay Magaalada Muqdisho ee Caasimada Soomaaliya.

Qaraxyadan ayaa siyaabo kala duwan maanta uga dhacay nawaaxiga Isgooysyada KM4 iyo Ekis koontarool Balcad ee Magaalada Muqdisho.

Qarax 1-aad ayaa waxuu uu ka dhacay nawaaxiga Isgooyska KM4 kadib markii uu qarxay Gaari lagu soo xiray waxyaabaha qarxa.

Ugu yaraan labo Ruux ayaa ku dhintay sida goobjooge uu u xaqiijiyay Warsadaha Mareeg Online.

Sidoo kale, labo Qarax oo nuuca dhulka lagu aaso ayaa maanta Ciidamo ka tirsan kuwa Midowga Afrika ee AMISOM waxaa lagula eegtay Isgooyska Ekis Koontarool Balcad ee Magaalada Muqdisho.

Goobjooge ayaa Warsidaha Mareeg Media u sheegay in uu jiro khasaaro kala duwan oo labada Qarax ka soo gaaray Ciidanka AMISOM.

Weli lama oga khasaaraha dhabta ah ee Qaraxyada ka soo gaaray Ciidanka AMISOM.

Kooxda Al Shabaab ayaa sheegatay mas’uuliyada Qaraxyadan.

Kooxdu wax faah faahin ah kama aysan bixin khasaaraha ka dhashay Qaraxyada

 

Get real time updates directly on you device, subscribe now.

Comments are closed.

Do NOT follow this link or you will be banned from the site!