Warar sheegaya in uu Geeriyooday Amiirkii Al Shabaab Abuu Cubeyda

Read Time:53 Second

Warar aanan si rasmi ah loo xaqiijin oo ay VOA-da heshay ayaa sheegaya in hogaamiyihii ururka Al Shabab Ahmed Diriye (Abu Cubeyda) uu Isniinti aanu kasoo gudubnay ku geeriyooday koofurta Soomaaliya.

Sarkaal sare oo ka tirsan ciidanka sirdoonka Soomaaliya isla markaana ka gaabsaday in magaciisa la shaaciyo, ayaa VOA-da u sheegay in Axmed Diiriye uu u dhintay xanuun dhinaca kilyaha ah.

Sarkaalkaan ayaa sheegay in Abu Cubeyda uu ku geeriyooday meel ka mid ah Koofurta Soomaaliya galabnimadi Isniintii aanu soo dhaafnay taariikhdana ku beegneyd 25-ka bishan June.

Ma jirto war rasmi ah oo xaqiijinaya geerida Axmed Diiriye oo kasoo baxay ururka Al Shabab. Sidoo kale, Dowlada Federaalka Soomaaliya ayaanan wali ka hadlin arrintan.

Axmed Diiriye (Abu Cubeyda) ayaa qabtay xilka hogaamiyaha Al Shabab, bishii December ee sannadki 2014-ki, kadib marki ay Dowlada Mareykanka duqeyn ku dishay hogaamiyihii isaga ka horreeyay Axmed Godane.

Mareykanka ayaa madaxa Axmed Diiriye dul dhigay lacag dhan 6 milyan oo dollar, waxa uuna Hogaamiyahan in mudo ah kamid ahaa dadka uu sida weyn u baadi goobeyso dowlada Mareykanka.

Xigasho VOASOMALI

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %