Afhayeenka Wasaarada Amniga Xukuumada Federaalka Soomaaliya Cabdi Casiis Cali Ibraahim xildhibaan ayaa Goordhow xaqiijiyay in dowlada Federaalka Soomaaliya uu ka helay Warqad xilka looga qaadayo.
Cabdi Casiis Xildhibaan oo la hadlay mid kamid ah Idaacadaha ku yaalla Muqdisho ayaa sheegay in uu Warqadaas u keenay Wasiirka Amniga balse isaga mudo Shan Cisho kahor uu iska Casilay xilkii Afhayeenka Wasaarada Amniga.
Wuxuu kale uu sheegay Cabdi Casiis Xildhibaan in sababta uu isku Casilay ay aheyd in uusan jecleyn in dalkaan uu dhibaatada weli kusii jiro.
Shalay ayaa waxaa Afhayeenka Wasaaradda Amniga Soomaaliya uu jeediyey hadalo uu ku weeraray Madaxda dowladda Soomaaliya si gaar ah laamaha amniga,isaga oo ka fal celinayey weerarkii Ururka Al Shabaab Sabtidii ay ku qaadeen Xarunta Otta Otte oo ay ku yaalaan Xarumaha Wasaaradaha amniga iyo Gudaha.
