Waqtiga Cumar Cabdirashiid codka kalsoonida loo weydiinayo baarlamanka Soomaaliya oo la shaaciyey

Read Time:45 Second

Mareeg.com: Guddiga joogtada ah ee baarlamaanka Soomaaliya ayaa maanta go’aamiyey in R/wasaaraha magacaaban Cumar C/rashiid baarlamaanka la horgeeyo maalinta berri ah oo ah 24-ka December 2014.

Kulan ay maaanta Xarunta Villa Hargeysa ee magaalada Muqdisho ku yeesheen guddiyada Joogtada ee barlamaanka Soomaaliya, uuna shir gudoominayey guddoomiye, Maxamed Sheekh Cismaan ‘Jawaari’ ayaa lagu go’aamiyey in maalinta berito ah  barlamaanka la horgeeyo Ra’isul wasaaraha cusub ee dhowaan uu magacaabay Madaxweynaha Jamhuuriyadda Soomaaliya si barlamaanka loogu weydiiyo codka kalsoonida.

C/kariim Xaaji Cabdi “Buux” oo ah xoghayaha barlamaanka Soomaaliya oo saxaafadda la hadlay ayaa xaqiijiyay in maalinta beri ah golaha Shacabka la horgeyn doono Ra’isul wasaaraha Soomaaliya Cumar C/rashiid Cali Sharmaarke si xubnaha golaha barlamaanka ay cod ugu qaadaan.

Madaxweyne Xasan Sheekh ayaa 17-kii bishaan RW u magacaabay Cumar C/rashiid kadib markii baarlamaanku riday RW hore Cabdiweli Sheekh Axmed Maxamed.

Mareeg Media

 

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Instagram did not return a 200.