Wafdi ka socda Somaliland oo wadahadal u tegay Turkiga * Mareeg.com somalia, World News and Opinion.
Mareeg Media
Somalia

Wafdi ka socda Somaliland oo wadahadal u tegay Turkiga

Mareeg.com: Wafdi ka socda maamulka Somaliland ayaa ku sugan dalka Turkiga, iyagoo sheegay iney halkaas u tageen wadahadal ay la galaan dowladda Federaalka ah ee Soomaaliya.

Wasiirka Arimaha dibada Somaliland, Maxamed Biixi Yoonis iyo Wasiirka Madaxtooyada, Xirsi Cali Xaaji Xasan, ayaa ku sugan. Wasiirka Arrimaha debadda ayaa Isniintii la soo dhaafay tagay Turkiga halka Wasiira Madaxtooyaduna ka daba tagay Jimcihii shalay.

“Safarkan oo Insha Allahu qaadan doona maalmo kooban ayaan ku tegi doonaa dalka Turkey-ga, halkaas oo uu igaga sii horeeyo Wasiirka Arrimaha Dibeda Somaliland Mr. Maxamed Biixi Yoonis” ayuu shalay wasiir Xirsi sheegay, isagoo kusii jeeday Turkiga.

“Ujeedada socdaalkan ayaa ah sidii gudi ka socota Somaliland iyo kuwo ka socda Somalia ay gogol-xaar ugu sii samayn lahayeen wada hadaladii labada dhinac oo dib u furmi doona, isla markaana waxaanu diyaarin doonaa gudidii horay loogu balansanaa in la sameeyo “Secretariat Team” ayuu sidoo kale yiri wasiir Xirsi.

Wasiirada ka socda Somaliland ee ku sugan Turkiga ayaa sheegay iney doonayaan iney dunida u cadeeyaan iney wadahadal diyaar u yihiin.

Ma jiro war kasoo baxay dowladda Soomaaliya oo ku saabsan shirka la sheegay inuu mar kale ka dhacayo dalka Turkiga, iyadoo xilligaan ay caqabad weyn hortaalo dowladda Soomaaliya oo madaxdeeda khilaaf ka dhaxeeya.

Mareeg Media

 

Warshubo, 5 dhaawac Dhuusameeb

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!