Wadaad Soomaali ah oo lagu dilay magaalada Cape Town ee Koonfur Afrika

Mareeg.com: Kooxo hubeysan ayaa xalay magaalada Cape Town ee dalka Koofur Afrika ku dilay Macallin Cali Dhaarte oo ahaa Soomaali dukaan ku lahaa magaaladasi.

Wadaadkaan waxaa dilay burcad Koonfur Afrikaan ah ka kooban 3 qof, waxeyna ka qaateen lacag iyo alaab dukaanka taallay.

Dukaan kale oo ay Soomaali leedahay ayay dhaceen kooxdaan ka hor inta aysan dilin marxuumka oo ay ugu yimaadeen goobtiisa ganacsiga.

Alle ha u naxariistee, Macallin Cali Dhaarte, wuxuu ahaa qof ay Soomaalidu aad u garanayeen, wuxuu ka shaqeyn jiray xallinta khilaafaadka dhex mara Soomaalida ku nool magaalada Cape Town.

Dalka Koonfur Afrika ayaa waxaa kusoo laalaabta dilalka burcaddu u geysanayaan dadka ajaanibta ah ee Soomaalidu ku mid yihiin.

Mareeg Media

About A warsame 9751 Articles
Published by A Warsame .He can be reached by news@mareeg.com or Mobile :+447737886245