Waan tanaasulay balse Gedo kama tanaasuli karo! * Mareeg.com somalia, World News and Opinion.
Mareeg Media
Somalia

Waan tanaasulay balse Gedo kama tanaasuli karo!

Madaxweynaha muddo xileedkiisa uu ka sii dhammaanayo ee Maxamed Cabdullaahi Farmaajo oo Sabtidii shalay ahayd hortagay Golaha Shacabka baarlamaanka federaalka ah ayaa jeediyay khudbad aan ku saabsanayn xaaladda dalka uu marayo.

Madaxweyne Farmaajo kama uusan hadlin, danta dalka, dadka iyo dastuurka uu u dhaartay, ee wuxuu ka jeediyay khudbad Maqaabkeedo hooseeyey.

Waxaa khudbadiisa uu ku celceliyay  inuu u tanaasulay dhowr jeer danta dalka iyo dadka

Haddaba, su’aasha isweydiinta mudan waxaa weeye, miyuu madaxwweyne Maxamed Farmaajo u tanaasulay dhacdooyinkani soo socda ama wax lamid ah oo in uu doorasha boobo darteed u sameeyey

1- Doorashada dhiigga uu ku daatay ee Baydhabo

2- Dagaalkii siyaasadeed ee doorashadii Kismaayo

3- Isbedalkii dhismaha Hirshabeelle markii 2aad

4- Duullaankii uu ku qaaday Galmudug miyuu u tanaasulay

5- Iska hor-keenka madaxda Puntland iyo shacabkoodii miyuu u tanaasulay

6- Arrinta Khaliijka ma dowladda Qatar buu u tanaasulay

7- Wiilasha laga dagaal geliyay Itoobiya, miyuu u tanaasulay

8- Eryiddii RW hore Xasan Calii Kheyre muxuu ugu tanaasuli waayay

9- Guddoomiyihii gollaha shacabka Jawaari miyuu isaguna u tanaasulay

10- Gobolka Banaadir ma tanaasul baa?

Ka danjire Maxamed Caalim ahaan, waxaan qabaa hadalkii madaxweynaha ee ahaa dowlado shisheeye ayaa faragalin nagu haya, in isagu uu kow ka yahay cidda danaha shisheeye fulinaysa, marka la eego dhammaan

dhacdooyinkaasi oo uusan ka tanaasulin.

Waxaa kubaddu ay ag taal Cabdi Xaashi iyo Mursal,

waxaana kula talinayaa si dalka uu uga badbaado xasarado siyaasadeed iyo qalqal amni, in wixii ka dambeeya 8-da FEB oo ku beegan maalinta Isniinta ah in ay sameeyaan

madaxweyne kumeel gaara ah, kana sii shaqeeyaan sidii xaaladdani kala guurka ah uu dalka uga gudbi lahaa si nabadgalyo ah.

W/Q:  Danjire Mahamed Caalim

Wabillaahi Towfiiq

Espoo, Finland

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More