Turkiga oo rajo wanaagsan ka muujiyey wadahadalada u dhaxeeya Dowlada iyo Somaliland * Mareeg.com somalia, World News and Opinion.
Mareeg Media
Somalia

Turkiga oo rajo wanaagsan ka muujiyey wadahadalada u dhaxeeya Dowlada iyo Somaliland

Mareeg.com-Safiirka Turkiga u fadhiya Soomaaliya Cemalettin Kanu Turan ayaa sheegay in Turkiga uu sii wadi doono sidii uu usii socon lahaa miro dhalna u yeelan lahaa wadahadalka u dhaxeeya dowlada federaalka iyo Somaliland ee ay Turkiga gar wadeenka ka tahay.

Safiirka oo rajo wanaagsan ka muujiyay maro dhalka wadahadalada u dhaxeeya dowlada iyo Somaliland ayaa sidoo kale ganacsatada Somaliland waxa uu ku booriyay in ay horumariyaan ganacsigooda, isagoona xusay in Turkiga uu Somalilandka caawin doono horumarinta ganacsiga.

 

“Waxaa ka mid ah ujeedada socdaalkayga sidii loo sii wadi lahaa wada hadaladii dalkayga Turkigu marti-gelinayay ee u dhaxeeyay Somaliland iyo Soomaaliya, inkasta oo ay jirraan mawduucyo siyaasiya haddana waxaan rajaynaynaa in la sii wadi doono wada hadaladan, waxaan sidoo kale jeclaan laheyn in ay horumariyaan ganacsigooda, iyo dhulkooda si looga hirgeliyo ganacisga Turkey loona maal geliyo ganacsiga Somaliland” ayuu yiri safiirka.
Cemalettin Kanu Turan Safiirka Turkiga u jooga Soomaaliya ayaa waxa uu imika booqasho qaadaneysa sadex cisho ku joogaa Magaalada Hargeisa ee xarunta Maamulka Somaliland, isagoona inta uu jooga deeganada Somaliland booqan doona meelo ay kamid tahay Dekeda Magaalada Berbera.

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!