Tanzania oo ka shaki qabta in dalkeeda Alshabaab ka dhashay * Mareeg.com somalia, World News and Opinion.
Mareeg Media
Somalia

Tanzania oo ka shaki qabta in dalkeeda Alshabaab ka dhashay

Mareeg.com: Ciidamada ammaanka dalka Tanzania, ee ku sugan gobolka Tanga ee waqooyiga dalkaasi ayaa la sheegayaa in heegan sare la galiyay kaddib markii ay axaddii isku dhaceen koox looga shakisan yahay in ay ka tirsan yihiin Al-Shabaab.

Askari booliiska ah ayaa ku dhintay, shan kalana way ku dhaawacmeen rasaas ay ciidamada iyo dableyda hubeysan is-weydaarsadeen oo socotay muddo 20 daqiiqo ah.

Madaxa howlgallada booliiska Tanzania Paul Chagonja ayaa u sheegay wakaaladda wararka Anadolu in ay go’aansadeen in ciidanka heegan la geliyey  markii ay ogaadeen in kooxaha ay isku dhaceen ay ka awood iyo taag badan yihiin burcad.

“Ilaa hadda ma xaqiijin karno, mana beenin karno in kooxdu Al-Shabaab tahay, sababtoo ah, ma aynaan xirin cid iyaga kamid ah”, ayuu yiri  Chagonja oo intaas ku daray  in goobtii dableyda hubeysan ay ku dhuumaaleysaneysay ay ka heleen waxyaabaha qarxa, mootooyin iyo baaskiillo.

Muuqaal bar internet-ka la soo dhigay ayaa lagu sheegay in weerarka ay Al-Shabaab ka dambeysay. Muuqaalka oo ka koobnaa luuqadaha Carabiga iyo Sawaaxiliga ayaa loogu baaqay dhallinyarada reer Tanzania in ay Al-Shabaab gacan ka siiyaan dagaalka ay ku jirto.

Al-Shabaab ayaa horay weerarro uga geysatay dalal ku yaalla gobolka, gaar ahaan dalalka Kenya iyo Uganda. Waxaana la sheegaa in dhalinyaro badan Tanzanian ah ay Soomaaliya ka dagaalameen, iyagoo la safan Alshabaab.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!