Taliye ku dhaawacmay Qarax ka dhacay Muqdisho oo xilka laga qaaday * Mareeg.com somalia, World News and Opinion.
Mareeg Media
Somalia

Taliye ku dhaawacmay Qarax ka dhacay Muqdisho oo xilka laga qaaday

Taliyaha Ciidanka Booliska Soomaaliyeed ee dowladda Federaalka Jen. Cabdi Xasan Maxamed Xijaar ayaa xilka qaaday Taliyihii Saldhiga Ciidanka Booliska degmada Xamarweyne ee Gobolka Banaadir.

Wareegto uu soo saaray Taliye Xijaar ayuu xilka uga qaaday Taliye Cabdirisaaq Gaas, waxaana xilka Taliyaha Saldhiga Booliska degmada Xamarweyne u magacaabay Sharmaake Xasan Maxamuud.

Taliye Cabdirisaaq Gaas ayaa maalmo kahor ku dhaawacmay Qarax ka dhacay meel ku dhow Saldhiga Xamarweyne, kaasi oo ka dhashay Jaakad lagu tuuray halkaas, isagoona ku dhaawacmay Gaas.

Taliye Cabdirisaaq Gaas ayaa la sheegay inuu kamid ahaa Ciidamo eryanayay Ninka watay qaraxaas oo shacabka ay kusoo wargeliyeen Ciidamada, kaasi oo markii dambe Ciidanka Booliska dowladda ay gacanta ku dhigeen.

Taliyaha Ciidanka Booliska Soomaaliyeed ee dowladda Federaalka Jen. Cabdi Xasan Maxamed Xijaar ayaa sidoo kale xalay xilka qaadis ku sameeyay Taliyihii qeybta Walliyow Cadde, isagoo mid cusub u magacaabay Taliskaas.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.