Tababar 5 cisho soconayey oo loo xiray Guddiga Isku dhafka Ciidamadda Xoogga dalka * Mareeg.com somalia, World News and Opinion.
Mareeg Media
Somalia

Tababar 5 cisho soconayey oo loo xiray Guddiga Isku dhafka Ciidamadda Xoogga dalka

somali_one_armyMay 17 (Mareeg.com)— Guddiga Isku dhafka Ciidamadda Xogga dalka Soomaaliyeed, ayaa maanta loosoo xiray siminaar soconayay muddo 5 cisho ah, kaas oo looga hadlayay qaabka ugu habboon ee si wadajir looga qeyb qaadan karo isku dhafka Ciidamadda. Waxana munaasabadaas goob-joog ka ahaa Wasiirka Gaashaandhigga Soomaaliya, Mudane C.qaadir Sheekh Cali Diini, Taliyaha Ciidamadda Xogga dalka Soomaaliyeed S/G Daahir Aaden Cilmi Indha-qarshe iyo xubno kale oo ka socday Wasaaradda.

Xubnaha Guddiga isku-dhafka ciidmaadda oo goobta ka hadlay ayaa balan-qaaday in ay fulin doonaan talada ay siiyeen hoggaanka sare ee dowladda, ee ku aadan in dalka laga hirgeliyo ciidan isku dhafan oo ka kooban qeybaha kala duwan ee Soomaaliya.

Taliyaha Ciidamadda XDS, S/G Daahir Aaden Cilmi, ayaa xusay guddigani in uu bilow u yahay Soomaaliya in ay yeelato ciidan qaran oo xooggan isla markaana matala Soomaalida oo dhan, kaas oo hirgelintiisa loo xil-saaray guddiga isku dhafka.Isagoo hoosta ka xariiqay in shacabka Soomaaliyeed ay muhim tahay in laga dhaadhiciyo ujeedka laga leeyahay isku dhafka si faham guud oo caawin kara shaqada ay shacabka iyo maamullada gobolladu u helaan.

Wasiirka Gaashaandhigga Soomaaliya, Mudane C/qaadir Sheekh Cali Diini, ayaa ku booriyey xubnaha guddiga in ay si deg deg ah uga howlgalaan isku dhafka, iyadoo uu xusay wasiirku in taariikhdu ay qori doonto qof walboo Soomaaliya ee gacan ka geysta dhismaha ciidamadda oo hal-bowle u ah dhismaha qaran Soomaaliyeed oo lagu wada kalsoon yahay.

“Anaga oo fahamsan masuuliyadda naga saaran dhismaha ciidamadeena, waxaa si gaar ah idinku wakiil uga tihiin dowladda iyo shacabka Soomaaliyeed in la helo ciidan qaran oo dheeli tiran, maanta waxaan aas-aaska u dhigaynaa dhismaha mid kamid ah tiirarka ugu muhiimsan dowladnimada, taasina waa in la helo ciidamo leh aqoon iyo karti kana fog wax walba oo qaranka danihiisa aan saacidayn”ayuu yiri Wasiirka Difaaca C/qaadir Sh. Cali Diini.

Ugu danbeyn, Wasiirka ayaa ugu baaqay shacabka iyo Siyaasiyiinta Soomaaliyeed in ay gacan ka geystaan dhismaha ciidan qaran, si looga gudbo caqabadaha laga dhaxlay fowdada iyo dowlad la’aanta soo jirtay mudada rubac qarniga ah.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!