Somaliland iyo Puntland oo Ciidamo u daabulay Gobolka Sanaag

Maamulada Somaliland iyo Puntland ayaa Ciidamo hubeysan siyaabo kala duwan ugu daabulaya Degaano ka tirsan Gobolka Sanaag.

Waxaa Saaka Gobolka laga dareemayaa Xiisad colaadeed oo u dhaxeysa labada Maamul.

Ciidamadan qaarkood ayaa lagu soo waramayaa in ay gaareen Degmada Hadaftimo ee Gobolka Sanaag.

Dadka Degaanka ayaa baqdin xoogan ka muujinaya in Dagaal u dhaxeeya labada dhinac uu ka dhaco halkaasi.

Maamulada Puntland iyo Somaliland ayaa in muddo ah waxaa u dhaxeysay xiisad salka ku heysa Maamulida Degaano dhowr .