Shirka Madaxda iyo M/Goboleedyada oo dib uga bilowday Afisyooni * Mareeg.com somalia, World News and Opinion.
Mareeg Media
Somalia

Shirka Madaxda iyo M/Goboleedyada oo dib uga bilowday Afisyooni

Waxaa Teendhada Afisyooni ee Magaalada Muqdisho ka biloowday shirka aan rasmiga aheyn ee u dhaxeeya Madaxda Dowladda Federaalka Soomaaliya, Dowlad Goboleedyada iyo Guddoomiyaha Gobolka Banaadir.

Shirka oo Sabtidii todobaadkaan ka bilaawday Teendhada Afisiyooni ayaa hakad ku jiray labadii maalmood ee la soo dhaafay, iyada oo madaxda ay ka doodeen arrimo dhowr.

Kulanka Maanta oo rajo badan laga muujinayo ayaa Madaxda waxaa ay uga hadlayaan Ajandaha Shirweynaha wadatashiga doorashooyinka ee dhawaan furmaya iyo cidda ka qeyb galeysa Shirkaas.

Wararka soo baxayay ayaa sheegayay in Madaxweynayaasha Jubbaland iyo Puntland ay dalbadeen in shirka ay goobjoog ka noqdaan Xubnaha Midowga Musharixiinta & Guddoomiyaha Aqalka Sare , balse dhinaca Villa Soomaaliya ay ku adkaatay.

Shirka maanta ayaa la filayaa in horumar laga sameeyo qodobada la isku mari la’aa maalmihii la soo dhaafay ee ku saabsanaa ajandaha shirka rasmiga ee soo socdo, waxaana Wakiilada Beesha Caalamka ay madaxda ku cadaadinayaan inay heshiis gaaraan.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.