Shirka maamul sameynta Mudug & Galgaduud oo waqti cusub loo qabtay

Mareeg.com: Waqtiga uu degmada cadaado ee gobolka Galgaduud ka furmayo shirka maamul u sameynta Mudug iyo Galgaduud ayaa la shaaciyey.

Afhayeenka Guddiga Farsamada ee maamul u sameynta Gobolada Dhexe, Cumar Cali Rooble ayaa sheegay in 25-ka bishan Maarso uu si rasmi ah shirkaasi u furmi doono.

Cumar Cali Rooble ayaa sheegay in gogol-xaarka shirku uu soo gaba gaboobay, ayna qorsheeyeen inuu toos u furmo dhamaadka Maarso.

“Shirka arrimihiisa oo dhan waa soo dhamaadeen, waxaa rajeyneynaa in xilliga loo asteeyay inuu shirka ku furmi doono oo ah 25-ka bishan” ayuu yiri Cumar Cali Rooble.

Shirkaan ayaa waxaa horay madaxweynaha Soomaaliya, Xasan Sheekh Xasan Maxamuud u shaaciyey in shirkaas la furayo 1-da Maasro, hase ahaatee waxaa dib u dhigay ergada shirka ka socda Dhuusamareeb.

Mareeg Media

About A warsame 9751 Articles
Published by A Warsame .He can be reached by news@mareeg.com or Mobile :+447737886245