Shir Xasaasi Ah Oo Maanta Ka Furmay Muqdisho + Sawirro * Mareeg.com somalia, World News and Opinion.
Mareeg Media
Somalia

Shir Xasaasi Ah Oo Maanta Ka Furmay Muqdisho + Sawirro

Shirka Wadatashiga Xukuumadda Soomaaliya iyo Maamul Goboleedyada ee Wasaaradaha Gaadiidka iyo Duulista Hawada ayaa maanta ka furmay magaalada Muqdisho.

Wasiirka Gaadiidka iyo Duulista Hawada ee Xukuumadda Soomaaliya Maxamed Cabdullaahi Salaad ayaa daah furay, iyadoo shirka ay ka qeyb galeen Xubno ka socda Maamul Goboleedyada, Guddiga Golaha Shacabka u qaabilsan Duulista Hawada, Wakiilo ka kala socda shirkadaha FAVORI, Bankirafti iyo kuwa kale.

Wasiirka ayaa sheegay in u jeeddada shirka ay tahay sidii loo sameyn lahaa sharciyo mideysan oo uu dalku yeesho, sida mideynta leysamada dalka oo dhan.

Sidoo kale Wasiirka Gaadiidka iyo Duulista Hawada ee Soomaaliya ayaa sheegay in soo celinta Maamulka Hawada Dalka ay gebogebo ku dhawdahay, isla markaana qalabkii lagu hagi lahaa la rakibayo.

Wasiirka ayaa hoosta ka xariiqay in dhawaan la soo xiri doono xafiiska Nairobi ee Hawada Soomaaliya laga maamuli jiray laga soo bilaabo sanadkii 1991-kii markii ay bur burtay dowladdii dhexe ee dalka.

Shirkan ayaa socon doono muddo labo cisho ah, waxaana ka qeyb galaayasha la tusi doonaa maalinta beri ah xarunta loo diyaariyay in laga maamulo hawada Soomaaliya, waxaana meel gabo gebo ah maraya qalabeynta xaruntasi.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!