Shir Madaxeedka IGAD oo Maanta furmaya & Farmaajo oo ka qeyb-galaya * Mareeg.com somalia, World News and Opinion.
Mareeg Media
Somalia

Shir Madaxeedka IGAD oo Maanta furmaya & Farmaajo oo ka qeyb-galaya

Magaalada Addis Ababa ee Caasimadda Itoobiya ayaa lagu wadaa in Maanta oo Jimce ah uu ka furmo shir Madaxeedka Urur Goboleedka IGAD,kaas oo ay ka qeyb-galayaan  Madax badan oo Afrikan ah.

Shirkaas ayaa waxaa Soomaaliya uga qeyb-galaya Madaxweynaha Jamhuuriyadda Federaalka Soomaaliya Maxamed Cabdullaahi Farmaajo,waxaana shirka diirada lagu saarayaa xoojinta iskaashiga ka dhexeeya dalalka Gobolka ee dhinacyada dhaqaalaha iyo nabad galyada.

Sidoo kale, hoggaamiyeyaasha IGAD waxa ay iska xog-wareysanayaan qorsheyaasha lagu guuleystay ee ku aaddan dadaallada lagu xasilinayo waddamada Gobolka, iyaga oo warbixinno ka dhageysanaya Guddi Madaxeedyada u xilsaaran fulinta heshiisyadii hore iyo caqabadaha haatan jira.

Madaxweyne Maxamed Cabdullaahi Maxamed Farmaajo ayaa la filayaa in uu khudbad  ka jeediyo Shirkaas,isaga oo diiradda ku saari doono aragti siyaasadeed oo wanaagsan iyo warbixino ku saabsan xaalada Soomaaliya.

Inta shirka lagu guda jiro, Madaxweyne Maxamed Cabdullaahi Farmaajo ayaa kulan-doceedyo la qaadan doona Madaxda dalalka Gobolka ee ka qeyb galaya shirka.

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!