Shariif Xasan oo socdaalay Itoobiya (Mxuxuu doonayaa?) * Mareeg.com somalia, World News and Opinion.
Mareeg Media
Somalia

Shariif Xasan oo socdaalay Itoobiya (Mxuxuu doonayaa?)

Mareeg.com: Madaxweynaha Maamulka Koonfur-galbeed Soomaaliya, Shariif Xasan Sheekh Aadan iyo wafdi uu hoggaaminayo ayaa saaka u socdaalay dhanka Addis Ababa ee dalka Itoobiya, wuxuuna halkaas joogi doonaa muddo 4 cisho ah.

Shariif Xasan oo ay wehlinayaan qaar ka mid ah xubnaha Golahiisa Wasiirada ayaa ka hor inta uusan dhoofin warbaahinta u sheegay inuu dowladda Itoobiya kala hadli doono arrimo ku saabsan xiriir dhinacyada ganacsiga iyo ammaanka oo si gaar ah u khuseeya maamulkiisa.

Sidoo kale, wuxuu sheegay inay xukuumadda Addis Ababa ka codsanayaan sidii ay u taageeri lahayd maamulkiisa cusub ee Koonfur-galbeed Soomaaliya oo dadaal ugu jira sida uu sheegay inuu Al-shabaab ka saaro deegaannada ay kaga sugan tahay gobollada uu ka taliyo.

Xubnaha safarka ku wehliyay Shariif Xasan ayaa waxaa ka mid ah wasiirka amniga Koonfur-galbeed, C/fataax Ibraahim Geeseey iyo kan warfaafinta, Ugaas Xasan.

9-kii bishaan waxaa socdaal nuucaan ah Addis Ababab ku tegay madaxweynaha maamulka Puntland C/weli Maxamed Cali Gaas, kaasoo isaguna sheegay inuu Itoobiya kala soo hadlayo arrimo la xiriira horumarka iyo dagaalka ka dhanka ah Alshabaab.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!