Sharci cusub oo lagu soo rogay hoteellada Muqdisho kadib qaraxii Hotel Central * Mareeg.com somalia, World News and Opinion.
Mareeg Media
Somalia

Sharci cusub oo lagu soo rogay hoteellada Muqdisho kadib qaraxii Hotel Central

Mareeg.com: Sharci lagula soconayo dadka dega hoteellada magaalada Muqdisho ayaa wasaaradda Amniga Gudaha Soomaaliya kusoo rogtay hoteelladaas, kadib markii bishii hore qaraxyo dad badan ku dhamaadeen ay ka dhaceen Hotel Central.

Sharcigan cusub ayaa dhigaya in la diiwaan-geliyo macaamiisha hoteellada, haddii loo baahdana su’aalo la weydiin karo.

Sidoo kale, wuxuu sharcigaan amarka ah dhigayaan in maamulka hotellada foomam ka buuxiyaan qof kasta oo degaya hoteelkooda, si loo ogaado wuxuu u socdo iyo halka uu ka yimid.

In hoteelada lagu xiro kaamirooyinka loo yaqaanno CCTV-ga ee ka dhaca waxa ka dhaca gudaha hoteelka ayaa ka mid ah qodobada uu sharcigaan cusub farayo milkiilayaasha hoteellada Muqdisho.

Sharcigan ayaa xadidaya in la iska furto hoteel iyadoo aanay laamaha amniga wax war ah ka hayn.

Hoteelada Muqdisho oo ay degan yihiin dad aad u fara badan oo u badan qurbojoog ayaa dowladda Soomaaliya u atagtay halis weyn kadib markii uu qarax weyn gudaha Hotel Central, iyadoo la sheegay iney is qarxisay haweeney ka shaqeyneysay hotelka oo ka timid dalka Holland.

Mareeg Meida

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!