Shaqaale hay'ad samafal oo dil iyo dhaawac loogu geystay Muqdisho * Mareeg.com somalia, World News and Opinion.
Mareeg Media
Somalia

Shaqaale hay’ad samafal oo dil iyo dhaawac loogu geystay Muqdisho

Mareeg.com: Dabley hubeysan ayaa maanta magaalada Muqdisho, gaar ahaan degmada Hodon ku weeraray gaari ay wateen labo qof oo u shaqeynayey Hay’adda Almanhal oo ka mid ah hay’adaha samafalka ee ka howlgala Muqdisho.

Gaari NOHA ah oo ay wateen shaqaalahaan ayaa lagu rasaaseeyay Xaafada Taleex, markii kooxaha hubaysan ay gaari kale oo ay wateen ku horjareen, sida dadka deegaanka ay inoo xaqiijiyeen.

Darawalkii gaariga ayaa la sheegay inuu ku dhintay weerarkaas, halka qof kale oo gaariga la socday uu dhaawacmay.

Ammaanka magaalada Muqdisho ayaa waayahan dambe ahaa mid wanaagsan oo aysan ka jirin dhibaatooyin dhanka ammaanka la xiriira.

Weli maamulka degmada Hodon iyo taliska booliiska ee degmadaasi wax faah faahin ah kama aanay bixin falkaan dhacay, waxaana xaaladda ay tahay mid degan.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.