Shabaab lagu dilay agagaarka Ceelbuur * Mareeg.com somalia, World News and Opinion.
Mareeg Media
Somalia

Shabaab lagu dilay agagaarka Ceelbuur

Sida ay qortay Wakaaladda Wararka Soomaaliyeed ee SONNA, Iska Hor Imaad u dhexeeya Dadka Deegaanka iyo Maleeshiyaadka Al-shabab ayaa lagu Soo Waramayaa in uu ka dhacay Deegaanka Wabxo oo Hoos Yimaada Degmada Ceel Buur Ee Gobalka Gal gaduud Ee Bartamaha Soomaaliya

Iska Hor Imaadkaasi Oo Dhacay Galabta ayaa lagu Dilay Afar ka mid ah Maleeshiyaadka Al-shabab halka Shan kalana lagu Dhaawacay.

Hay’adda Sirdoonka Iyo Nabadsugidda Soomaaliyeed Ee NISA ayaa Wakaaladda Wararka Soomaaliyeed Ee SONNA u Xaqiijisay in Dadka Deegaanka oo Is abaabulay ay ku Qaadeen Weerar Fariisin ay Kooxdu Ku Leheyd Deegaanka Wabxo, Halkaas oo ay ku nafwaayeen Afar Kamid ah Kooxdii Goobta Joogta Shan kalana Ku Dhaawacmeen.

Qof kamid ah dadka Deegaanka ayaa sidoo Kale SONNA u sheegay in ay u Adkeysan waayeen Tacadiyo Joogta ah Oo ay Kala Kulmeen Kooxda Kuwaas oo ay ka mid yihiin Xoolo ay ka dheceen Dadka, Dumar ay xoog ku wateen’

Goob Joogahaasi Oo Sabab Amaan Darteed Nooga Codsaday in Magaciisa Aan loo Shaacin ayaa Yiri “Wey Xoogeeysteen Tacadiyada Aan Kala Kulmeynay Muddooyinkii u dambeeyay Kooxda Al-shabab, Waxey Dheceen Xoolaheennii,Waxey Xoog ku Kaxeysteen Gabdheheennii Taasna waxa ay nagu Kaliftay in aan Ka Horimaano”

Lama Soo Sheegin Wax Qasaara ah oo Soo Gaaray Dadka Deegaanka, sidaas waxaanu ka soo xiganay Wakaaladda Wararka Soomaaliyeed ee SONNA

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!