Sarkaal katirsan Ciidanka NISA Oo ku dhaawacmay qarax lagu xeray Gaari

Muqdiaho (mareeg news)  Sarkaal ka tirsan ciidamada nabadsugida iyo sirdoonka qaranka soomaaliya ayaa ku dhaawacmay qarax lagu xeray gaari Nuuca Raaxada ah.



Taliye ku xigeenka ciidamada NISA ee Degmada Waaberi, ayaa ku dhaawacmay qarax gaari lagu xiray, kaasi oo ka dhacay xaafada Unisheefta Degmada Waaberi.

Wararka waxa ay sheegayaan in gaarigaan oo ahaa kuwa yar yar ee la isticmaalo la ogaaday inay ku xirnaayeen waxyaabaha qarxa, islamarkaana uu ku baxay Taliye ku xigeenka.



Xilliga gaariga uu qarxaayay ayaa waxaa lagu guda jiray hubinta waxyaabaha qarxa ee la sheegay gaariga inay ku xirnaayeen, waxaana looga digay dadka shacabka inay ka fogaadaan goobta gaariga uu yaalay.

Iyadoo hubinta gaariga lagu guda jiro ayuu mar kaliya qarxay gaariga, waxaana sidaasi ku dhaawacmay Taliye ku xigeenka Ciidamada NISA ee Degmada Waaberi.



Dhaawaca Taliyaha ayaa waxaa xaqiijiyay masuuliyiin ka tirsan maamulka Degmada Waaberi oo sheegay in goobaha caafimaadka loo qaaday Taliye Ku xigeenka.

Gaariga qarxay ayaa la sheegay inuu leeyahay ruux ka shaqeeya laanta socdaalka iyo Jinsiyadaha dowladda Federalka Somaliya.

About Ahmed weheliye Gaashaan 535 Articles
freelance journalist covering events in Somalia, SocialActivist, writer, PoliticalAnalyst .contact gaashaan1960@gmail.com