Sarkaal ka tirsan Alshabaab oo isu dhiibay maamulka dowladda ee Luuq * Mareeg.com somalia, World News and Opinion.
Mareeg Media
Somalia

Sarkaal ka tirsan Alshabaab oo isu dhiibay maamulka dowladda ee Luuq

Mareeg.com: Sarkaal sare oo ka tirsanaa Al-Shabaab ayaa la sheegay inuu isku dhiibay maamulka degmada Luuq ee gobolka Gedo ee dowladda Soomaaliya.

Sarkaalka oo magaciisa lagu sheegay Xasan Dhudi ayaa markii uu isku dhiibayay ciidanka ammaanka watay qori AK-47 ah iyo boosh uu rasaas ku sitay, sida uu sheegay ku-simaha guddoomiyaha degmada Luuq, ahna madaxa mashaariicda degmada, Bishaar Aadan Cabdulkariim.

Bishaar ayaa sheegay in nnkaas isa soo dhiibay uu ku dhuumaaleysanayay dhulka baaddiyaha ee u dhaxeeya degmooyinka Luuq iyo Buurdhuubo.

Dhawaan ayay aheyd markii uu degmada Ceelwaaq ee gobolka Gedo iska dhiibay madaxii hore ee sirdoonka Alshabaab, Zakariye Ismaaciil Xirsi.

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More