Mareeg.com: Wafdi Turki ah oo uu hogaaminayo danjiraha dalkaas u fadhiya Soomaaliya, Amb. Olgan Bekar ayaa maanta booqasho ku tegay magaalada Kismaayo ee xarrunta gobolka Jubada Hoose.
Wafdiga safiirka waxaa garoonka ku soo dhaweeyey madaxweyne ku xigeenka labaad ee Jubbaland, Cabdulqaadir Luga-dheere, Wasiiro ka tirsan maamulka, iyo Masuuliyiinta gobolka Jubbada Hoose.
Wafdiga ayaa loo gudbiyey xarunta Madaxtooyada maamulka Jubbaland, isagoo halkaas kula kulmay madaxweynaha maamulkaas, Axmed Maxamed Islaam (Madoobe).
Wax badan laga garanayo waxyaabaha ay ka wada hadlayaan labada dhinac, laakiin waxaa la ogyahay in Turkigu uu ballaarinaayo mashaariicda uu dalka ka wado.
