Safiirka Turkiga oo booqday Baydhabo & Muungaab oo u socdaalay Turkey * Mareeg.com somalia, World News and Opinion.
Mareeg Media
Somalia

Safiirka Turkiga oo booqday Baydhabo & Muungaab oo u socdaalay Turkey

Mareeg.com: Danjiraha dowladda Turkiga u fadhiya magaalada Muqdisho ee caasimadda Soomaaliya, Olgan Bekar ayaa maanta gaaray magaalada Baydhabo ee xarunta gobolka Baay, sida uu xaqiijiyey wasiirka macdanta iyo biyaha ee maamulka Koonfur-galbeed, Aadan Xasan.

Waxaa garoonka diyaaradaha Baydhabo ku soo dhaweeyay madaxweynaha maamulka Kooofur-galbeed Soomaaliya Shariif Xasan Sheekh Aadan, wasiirro ka tirsan maamulkaas iyo qeybaha bulshada.

Danjiraha ayaa lagu wadaa inuu kulamo la qaato Shariif Xasan Sheekh Aadan iyo mas’uuliyiinta kale ee maamulka Koonfur-galbeed oo ay ka wadahadli doonaan mashaariicda uu Turkigu ka fulinayo Soomaaliya iyo sidii gobollada hoos taga maamulkaas loo gaarsiin lahaa.

Dhanka kale, guddoomiyaha Gobolka Banaadir ahna Duqa Magaalada Muqdisho Xasan Maxamed Xuseen “Muungaab” ayaa maanta u safray dalka Turkiga.

Ujeedada safarka Muungaab ee dalka Turkiga ayaa waxaa lagu sheegay in madaxda Dowladda hoose ee Magaalada Istanbuul ee dalka Turkiga uu kala soo hadli doono mashaariicda dib udhiska ee Turkiga ay ka wadaan Magaalada Muqdisho.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!