Safiirada Somalia iyo Angola u fadhiya Kenya oo ka wada hadlay dhibka haya Soomaalida Angola * Mareeg.com somalia, World News and Opinion.
Mareeg Media
Somalia

Safiirada Somalia iyo Angola u fadhiya Kenya oo ka wada hadlay dhibka haya Soomaalida Angola

Mareeg.com: Safiirka cusub oo ay dowlada Angola u soo magacawday dalkani Kenya Amb, Virgilio Marques De Faria ayaa shalay booqday safaarada ay dowlada Soomaaliya ku leedahay dalka Kenya.

Safiirka Angola u fadhiya Kenya ayaa waxaa si heer sare ah usoo dhaweeyey dhigiisa dalka Kenya u fadhiya dowlada soomaaliya, Amb, Maxamed Cali Nuur Americo.

Amb, Virgilo Marques ayaa sheegay in uu mahadnaq balaaran uga wado dowlada Angola Dowlada Soomaaliya, isagoo sheegay in aanay marnaba dowladda Angola hilmaami doonin taageeradii balaarneyd ee ay dowladdii Soomaaliya ee hogaaminayey Jeneral Maxamed Siyaad Barre u fididsay xiligii ay xornimada raadineysay.

Danjiraha dowlada Angola ee dalka Kenya ayaa intaasi ku daray inay taasi badalkeeda haatan diyaar u tahay dowlada Angola inay gacan siiso dowlada Soomaaliya maadaama uu dalka Soomaaliya haatan ka soo kabanyo burbur baahsan oo saameeyey dhamaan Adeegyadii aasaasiga u ahaa jiritaanka nolosha aadamaha.

Danjiraha dowlada Soomaaliya u fadhiya dalkani Kenya Amb. Maxamed Cali Nuur ayaa danjiraha dowlada Angola uga mahadceliyey booqashada uu ku yimid Safaarada Soomaaliya, isagoo dhanka kalana u gudbiyey danjiraha cabashooyin ku aadan wax ka qabashada dadka Soomaaliyeed oo ku xiran xabsiyo ku yaala dalka Angola.

Amb Cali Americo ayaa sidoo kale danjiraha Angola u gudbiyay cabashooyin ku aadan dhibaatooyin isugu jiro dil iyo dhac oo loo geysto dadka Soomaaliyeed ee ka ganacsada dalka Angola.

Safiirka cusub oo ay dowalda Angola u soo magacawday dalka Kenya Virgilio Marques De Faria ayaa balan qaaday in uu wax ka qaban doono sii deynta dadkaasi Soomaaliyeed ee ku dhibaateysan xabsiyada dalka Angola.

Dalka Angola ayaa waxaa ku sugan kumanaan Soomaali ganacsato ah, kuwaasoo qaarkood ka cawdaan in booliska dalkaas dhibaatooyin kula kaco.

Mareeg Media

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!