Raysul Wasaare Cabdi Weli: Amisom waxey baxeysaa marka la dhiso milateriga Soomaaliya * Mareeg.com somalia, World News and Opinion.
Mareeg Media
Somalia

Raysul Wasaare Cabdi Weli: Amisom waxey baxeysaa marka la dhiso milateriga Soomaaliya

Muqdisho – Mareeg.com: Raysul wasaaraha Soomaaliya Cabdiweli Sheekh Axmed ayaa sheegay in ciidamada AMOSM ee ka socda Midowga Afrika ay Soomaaliya ka bixi doonaan marka la dhiso milateriga dalka.

R/wasaare C/wali ayaa sheegay in dowladda Soomaaliya ku guda jirto dhismaha ciidamada, sidoo kalana laba todobaad ka horna IGAD isla qaadatay qaraar dib loogu dhisayo cidamada Soomaaliya.

“Qorshaheennu waa inaan dhisno ciidamada xoogga dalka Soomaaliya, laba todobaad ka horna waxaa qaraar dib loogu dhisayo cidamada Soomaaliya qaatay ururka IGAD, markaan awood u yeelanno sugidda ammaanka dalkeenna way iska baxayaan gabi ahaan ciidamada walaalaha AMISOM,” ayuu yiri C/weli Sheekh oo u warramaya Al-jazeera TV.

Raysul wasaare C/weli Sheekh ayaa dhanka kale ka halday sida ay u socdaan howlgallada ciidan ee ka dhanka ah Alshabaab ee ay wadaan ciidamada Soomaaliya iyo AMISOM.

“Howlgallada ciidamada Soomaaliya iyo Amiosm ee socda waa kuwo muhiim ah, waxeyna u socdaan qaab aan ku faraxsannahay, waxayna la wareegeen sagaal degmo oo ku yaalla gobollada Koonfurta iyo Bartamaha Soomaaliya, kuwaasoo ay Alshabaab u adeegsan jireen inay dhallinyarada ka qortaan lacagana ka urursadaan dadka,” ayuu sidoo kale yiri ra’iisul wasaaraha Soomaliya.

Dalka Soomaaliya waxaa ku sugan in ka badan 20 kun askari oo kala socda dalalka Uganda, Burundi, Jabuuti, Itoobiya, Kenya iyo Seria Leone.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!