C/raxmaan Xaaji Aadan (Ibbi) oo ku guulaystay kursiga Aqalka Hoose * Mareeg.com somalia, World News and Opinion.
Mareeg Media
Somalia

C/raxmaan Xaaji Aadan (Ibbi) oo ku guulaystay kursiga Aqalka Hoose

C/raxmaan Xaaji Aadan (Ibbi) oo ka tirsan siyaasiyiinta Soomaaliyeed ayaa ku guuleystay doorashada xubnaha aqalka hoose ee maamulka koonfur galbeed oo ka dhacday magaalada Baydhabo.

 

Prof. ayaa ka mid ahaa xildhibaanada baarlamanka Somalia illaa dowladii 2001-dii lagu soo dhisay Carta ee uu Madaxweynaha ka ahaa Dr. C/qaasim Salaad Xasan, isagoo xilal wasiirnimo ka soo qabtay dowladihii KMG ahaa.

 

Siyaasigan ayaa la sheegay inuu kursiga beeshiisa Dir/Gaadsan ku helay ka dib markii uu gacantiisa ku soo qortay musharaxii la tartamayey iyo ergadii beeshiisa ee dooratay, taasoo ah dhaqan cusub oo lagu arkay doorashooyinka dadban ee dalka ka socda.

 

Doorashadan oo ka dhacday magaalada Baydhabo ayaa ergadu u codeysay Prof. Ibbi keligiis, iyadoo aysan jirin cid la tartameysay ka dib markii sida la sheegay uu tanaasulay musharaxii la tartamayey oo markii horeba ahaa mid magacuyaal ah.

 

Doorashada xubnaha aqalka hoose ee maamulada Hirshabelle iyo Galmudug ayaa lagu wadaa iney maanta dib uga bilowdaan magaaloyinka Jowhar iyo Cadaado inkastoo weli murano iyo isqabqabsi beelaha qaarkood uu ka dhex aloosan yahay.

 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!