Ra’iisul Wasaare Rooble oo Helicopter ku tegay Xerada Bali-doogle

Read Time:46 Second

Ra’iisul Wasaaraha Xukuumadda Soomaaliya Maxamed Xuseen Rooble ayaa goor dhow booqasho ku gaaray xerada Ciidanka Mareykanka ee ku taalla deegaanka Bali-doogle ee Gobolka Shabeellaha Hoose ee koonfurta Soomaaliya.

Rooble oo ay wehlinayaan Wasiiro ka tirsan Xukuumaddiisa iyo saraakiil ciidan ayaa u kuur galaya howl-gallada Ciidamada DANAB iyo kuwa Mareykanka ee Saldhigoodu yahay halkaasi.

Sidoo kale Ra’iisul Wasaaraha ayaa inta uu ku sugan yahay xerada waxa uu la kulmo doonaa saraakiisha ciidanka Mareykanka ee ku sugan halkaasi iyo kuwa Danab, isaga oo kala hadli doono dagaallada ka dhanka ah Al-shabaab ee koonfurta dalka Soomaaliya.

Waxa kale oo uu qiimeyn doonaa Rooble xerada Balidoogle oo tababaro gaar ah lagu siiyo ciidamada Kumaandooska DANAB ee Xoogga dalka Soomaaliyeed.

Si kastaba booqashadan ayaa ku soo aadeysa, xilli Mareykanka uu qorsheynayo in maalmaha soo socda ciidamadiisa uu kala baxo gudaha Soomaaliya, waxaana go’aankaasi horey ugu dhowaaqay Madaxweynaha laga guuleystay ee Donald Trump.

About Post Author

Ardaan Yare

Tifatirah wararka ku soo baxa afka soomaaliga
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Instagram did not return a 200.