Ra'iisul Wasaare Kheyre Oo Xalay Kormeer Shaqo Ku Maray Qaar Kamid Ah Degmooyinka G/Banaadir * Mareeg.com somalia, World News and Opinion.
Mareeg Media
Somalia

Ra’iisul Wasaare Kheyre Oo Xalay Kormeer Shaqo Ku Maray Qaar Kamid Ah Degmooyinka G/Banaadir

Ra’iisul Wasaaraha Xukuumadda Fedaraalka Soomaaliya Mudane Xasan Cali Kheyre ayaa xalay kormeer shaqo oo uu ugu kuurgalayo sida ay ku socdaan howlaha xasilinta amniga caasimadda ku maray qaar kamid ah degmooyinka Gobalka Banaadir.

Ra’iisul Wasaaraha Soomaaliya degmooyinka uu kormeerka ku waxaa kamid ah:-

Wadjir, Hodan, Howl wadaag, Warta nabadda, Yaaqshiid, Waaberi, Xamarweyne, Shangaani, Cabdalcasiis, isagoo warbixino ka dhageystay saraakiisha ciidamada ee uu kula kulmay waddooyinkii uu kormeerka ku maray Ra’iisul wasaaraha.

Mudane Kheyre ayaa Isgoyska Barkaaraha kula kulmay Ciidamo ka tirsan Howlgalka Xasilinta Amniga Caasimadda oo howlo baarintaano ah xilligaas ku howlanaa, wuxuuna bogaadiyay sida wanaagsan ee ay ciidamadu u gudanayaan waajibaadka qaran ee loo xilsaaray, taas oo ay ku jiifaan maaliyiin Soomaalia ah oo ku nool Magaalada Muqdisho.

Ra’iisul Wasaaraha Xukuumadda Fedaraalka Soomaaliya Mudane Xasan Cali Kheyre oo ku socdaalay wadada dheer ee Wadnaha ayaa u sii gudbay dagmada Yaaqshiid, halkaas oo ay sidoo kale ka howlgalayeen Ciidamada howgalka Xasilinta Amniga Caasimadda.

Isgoysyada Qaar wuxuu Ra’iisul Wasaaruhu wuxuu kula kulmay dadweyne Soomaaliyeed oo dhallinyaro iyo waayeel isugu jiray, kuwaa oo qaarkood ku gudajiray howlo ganacsi, iyadoo saacaddu ay ka gudubtay 12:00Am Waqtiga Geeska Afikada Bari.

Qaar kamid ah Dadweynaha uu Waddooyinka kula kulmay Mudane Kheyre ayaa bogaadiyay go’aanka Xukuumadda ee lagu Xasilinayo Amniga Caasimadda, waxayna Ra’iisul wasaaraha u sheegay in ay dareemeen isbadal iyo xasillooni ku timid Ammaanka Caasimadda Soomaaliya ee Muqdisho.

Kormeerka Ra’iisul Wasaaraha Xukuumadda Fedaraalka Soomaaliya Mudane Xasan Cali Kheyre oo la xiriiray dhiirrigalinta howlaha Ciidamada Xasilinta Amniga Caasimadda ayaa waxaa ku wehlinayay Wasiirka Amniga XFS Mudane Maxamed Abuukar Isloow “Ducaale” iyo Taliyaha Hay’adda Sirdoonka iyo Nabad Sugidda Soomaaliya Cabdullaahi Maxamed Cali Sanbalooshe.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!