Ra’iisul wasaaraha Soomaaliya oo ku wajahan Beladweyne

Ra’iisul wasaaraha Xukuumadda Soomaaliya Mudane Cumar Cabdirashiid ayaa lagu wadaa inuu kormeer howled ku tego magaalada Beladweyne ee xarunta Gobolka Hiiraan.

Qaban qaabo lagu soo dhaweynayo Ra’iisul wasaaraha Soomaaliya ayaa iminka ka socoto magaalada Beladweyne, iyadoo garoonka diyaaradaha ee Ugaas Khaliif ay iminka ku suganyihiin mas’uuliyiinta maamulka Gobolka iyo saraakiisha ciidamada qalabka sida.

Wariyaha Warbaahinta Qaranka ee gobolka Hiiraan Cabdishakuur Cismaan Cali ayaa ku soo waramaya in si aad ah loo adkeeyay amniga magaalada, waxaana socdaalka Ra’iisul wasaaraha ay la xiriirta sidii uu kulamo ula qaadan lahaa maamulka iyo odoyaasha dhaqanka ee gobolka Hiiraan.