Raggii loo heystay dilka weriye Hindiya Xaaji oo la xukumay

Read Time:1 Minute, 22 Second

Mareeg.com: Maxkamadda ciidanka qalabka sida ee Soomaaliya ayaa maanta markii labaad u fadhiisatay dhageysiga dacwad ciqaabeed loo heystay eedeysaniyaasha kala ah; 1- C/risaaq Maxamed Barrow Caddow, 2- Xasan Nuur Cali Faarax, 3- Macalim Maxamee Abuukar Cali, 4- Maxamed Maxamed Sheekh Yuusuf Wardheere, 5- Muxudiin Cismaan Maxamed Cawaale iyo 6- Cali Xasan Aadan Tooni oo xafiiska xeer ilaalinta maxkamada ciidanka qlabka sida uu ku soo eedeeyay in ay ka dambeeyeen dilkii Allaha u naxariistee Hindiyo Xaaji Maxamed Kheyrre ayaa lagu riday xukuno kala duwa.

Guddoomiyaha maxkamadda darajada koowaad ee ciidanka qalabka sida Gaashaanle dhexe, Xasan Cali Nuur Shuute ayaa sheegay in C/risaaq Maxamed Barrow Caddow ay maxkamadu ku riday xukun dil toogasho ah maadaama uu ahaa ninkii walxaha qarxa gaariga ugu xirey marxuumad Hindiyo Xaaji.

C/risaaq Maxamed Barow, ayaa sidoo kale waxaa  lagu heley dambi ah in uu Al-shabab u qaabilsanaa dabagalka iyo sahaminta dadka wax galka u ah bulshada Soomaaliyeed oo kooxdaasi doonayso in ay dhibaateeyaan.

Sidoo kale maxkamadda ayaa xukun xabsi daa’im ah ku riday eedeysanayaasha kala ah; Xasan Nuur Cali Faarax, Macalim Maxamed Abuukar Cali iyo Macalim Maxamed Sheekh Yuusuf, maadaama ay qirteen in Al-shabab ay u qaabilsanaayeen faafinta afkaarta kooxdaasi isla markaana ka shaqeyn jireen  dugsiyo lagu fidiyo fikirta Al-shabaabnimada ah.

Maxkamadda ayaa eedeysanayaasha kala ah: Muxudiin Cismaan Maxamed Cawaale iyo Cali Xasan Aadan Tooni, waxaa ay ku xukuntay shan sano oo xabsi ciidan ah, maadaama ay la shaqeyn jireen Al-shabaab.

Sadexda bishii 12 ee sanadkii 2015 ka ayaa Al-shabab waxaa ay magaalada Muqdisho ku dileen Allah u naxariistee Hindiyo Xaaji Maxamed Kheyre oo kamid aheyd shaqaalaha Radio Muqdisho iyo Telefishinka qaranka.

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Instagram did not return a 200.